Sports in Tamil

அல் ரய்யான்: உலகக் கோப்பை கால்பந்து தொடரில் ‘பி’ பிரிவில் நடைபெற்ற லீக் ஆட்டத்தில் வேல்ஸ் அணியை 2-0 என்ற கோல் கணக்கில் வீழ்த்தியது ஈரான். உலகக் கோப்பை கால்பந்து வரலாற்றில் ஐரோப்பிய நாடுகளுக்கு எதிராக ஈரான் பெற்ற முதல் வெற்றி இதுவாகும்.

அல் ரய்யானில் உள்ள அகமதுபின் அலி மைதானத்தில் நேற்று நடைபெற்ற இந்த ஆட்டத்தில் தொடக்கத்தில் இருந்தே வேல்ஸுக்கு அழுத்தம் கொடுத்தது ஈரான் அணி. முதல் பாதியில் இரு அணிகளுக்கும் கோல் அடிக்க வாய்ப்பு கிடைத்த போதிலும் அவை முழுமை பெறாமல் போனது. 86-வது நிமிடத்தில் வேல்ஸ் அணியின் கோல்கீப்பர் வெய்ன் ஹென்னெஸ்ஸி தனது இடத்தில் இருந்து முன்னேறி வந்து பாக்ஸ் பகுதிக்கு வெளியே துள்ளியவாறு பந்தை தடுத்தார். அப்போது ஈரான் அணியின் ஸ்டிரைக்கர் மெஹ்தி தரேமியுடன் பலமாக மோதினார்.