Sports in Tamil

செஞ்சூரியன்: இந்திய அணியின் வேகப்பந்துவீ்ச்சாளர் முகமது ஷமி, பும்ரா ஆகியோரின் பந்துவீச்சால் செஞ்சூரியனில் நடந்துவரும் முதல் டெஸ்ட் போட்டியில் தென் ஆப்பிரி்க்க அணி முதல் இன்னிங்ஸில் 197 ரன்களுக்கு ஆட்டமிழந்தது. இந்திய அணி 130 ரன்கள் முன்னிலையுடன் 2-வது இன்னிங்ஸைத் தொடங்கி ஒரு விக்கெட் இழப்புக்கு 16 ரன்கள் சேர்த்து, 146 ரன்கள் முன்னிலை பெற்றுள்ளது.

இந்திய அணியின் வேகப்பந்துவீச்சாளர் முகமது ஷமி 5-வது விக்கெட்டுகளை வீழ்த்தி, டெஸ்ட் கிரிக்கெட்டில் 200 விக்கெட்டுகளை வீழ்த்தி சாதனை படைத்தார். 200 விக்கெட்டுகளுக்கு மேல் வீழ்த்தி இந்திய வேகப்பந்துவீச்சாளர்களில் 5-வது இடத்தை ஷமி பெற்றார். இதற்கு முன் கபில்தேவ் (434), இசாந்த் சர்மா (311), ஜாகீர்கான் (311), ஜவஹல் ஸ்ரீநாத் (236) ஆகியோர் வீழ்த்தியுள்ளனர்.