Sports in Tamil

யூரோ கால்பந்து தொடரில் நாக்-அவுட் சுற்று போட்டிகள் இன்று முதல் தொடங்குகின்றன. இரவு 9.30 மணிக்கு நடைபெறும் முதல் ஆட்டத்தில் வேல்ஸ் - டென்மார்க் அணிகள் மோதுகின்றன.

லீக் சுற்றில் ‘ஏ’ பிரிவில் இடம் பெற்றிருந்த வேல்ஸ் 3 ஆட்டங்களில் தலா ஒரு வெற்றி, டிரா, தோல்வியுடன் 4 புள்ளிகள் பெற்று 2-வது இடம் பிடித்திருந்தது. சுவிட்சர்லாந்துக்கு எதிரான ஆட்டத்தை 1-1 என டிராவில் முடித்திருந்த வேல்ஸ் அணி 2-வது ஆட்டத்தில் 2-0 என்ற கணக்கில் துருக்கியை வீழ்த்தியிருந்தது. கடைசி ஆட்டத்தில் இத்தாலியிடம் 1-0 என தோல்வி கண்டிருந்தது.